AN DAFAR : 60 kartenn, 5 liv (a glot gant an « ergerzhadennoù » war an dachenn c’hoari) 9 kartenn evit pep liv niverennet etre 2 ha 10, mui 3 c'hartenn « pariadenn » evit pep liv.

C'HOARI : D'ho tro, e rankit :

1. Pe : ouzhpennañ ur gartenn d’ur golonenn ergerzhadenn dirazoc'h (unan evit pep liv d'ar muiañ), pe diskargañ unan anezhi e-kreiz ar plato-c’hoari.

2. Kemer ar gartenn gentañ eus ar pigos pe kemer unan bet diskarget e-kreiz (an hini diwezhañ bet diskarget evit pep liv, nemet an hini emaoc'h o paouez diskargañ m'ho peus diskarget unan).

Ret eo ober an daou dra-se.

REOLENNOÙ :

Ur gartenn c'hoariet e-barzh uann deus ho kolonennoù ergerzhadenn a rank bezañ uheloc’h eget an hini diwezhañ bet lakaet war ar memes kolonenn, met posupl eo laoskel toulloù etre ar sifroù.

Evit c'hoari ur gartenn pariadenn (pe meur a hini) eo ret kregiñ ar golonenn gant ar gartenn-mañ. Ur wech lakaet ur gartenn « sifr » eo re ziwezhat.

N'eo ket ret kregiñ ar 5 kolonenn ergerzhadenn, n'eus ken nemet ar c'holonennoù kroget hag a vo kemeret e gont evit disoc'h ar c'hoari.

Achu eo ar c'hoari pa vez pigoset ar gartenn ziwezhañ e-barzh ar pigos.

AR POENTOÙ : Evit gounit ur bartiad, e vo ret deoc’h rastellat ar muiañ a boentoù war ho kolonennoù ergerzhadennoù. Kontet e vo ar poentoù evel-se evit pep kolonenn ergerzhadenn :

1. Grit sammad an holl gartennoù niverennet er golonenn ergerzhadenn.

2. Tennit 20 poent m'ho peus lakaet ur gartenn e-barzh ar golonenn (ur gartenn gant ur sifr pe unan « pariadenn »)

3. Lieskementit dre (niver a gartennoù pariadennoù + 1)

4. Ouzhpennit 20 poent bonus ma vez 8 kartenn (pe muioc'h) e-barzh an ergerzhadenn (kartennoù pariadennoù e-barzh)

Da lâret eo, ur golonenn ergerzhadenn kroget gant ur gartenn pariadenn hepken a lakao ac'hanoc'h da goll 40 poent : (0 - 20) * (1 +1)